Sol og god stemning på festivalcampen

Ikkje mindre enn tre prestar var på plass, så det var enkelt å finne nokon å prate med, til dømes dersom typen slår opp eller livet går deg imot på andre måtar.

Det er tre danske teologistudentar som er på plass på festivalcampen.

‒ Vi pratar med folk som har behov for ein person å prate med. Det kan vere om alt og ingenting, kanskje har kjærasten sagt noko. Det er ikkje misjonering, vi tilbyr sjelesorgsomsorg, seier Maja, som studerer teologi i Danmark, men har prestepraksis i Stryn.

 ‒ Er det du som har sørga for det fine vêret?

‒ Ja, det er det faktisk, ler Maja med eit glimt i auga.

‒ Eg sa for moro skuld i går at eg skulle spørje sjefen om godt vêr, og no har det skjedd.

‒ Har eit veldig godt inntrykk

‒ Vi sat på fest for tre veker sidan og fann ut at vi skulle reise ein plass, fortel Erlend Håheim og Kristen Gravelsæter, som har kome frå Etne for å vere med på Malakoff.  Dette er første gong i papptelt og første gong på festivalen, og dei er godt fornøgde.

 ‒ Vi har eit veldig bra inntrykk. Det er godt organisert og veldig ryddig, seier Erlend.

 Toaletta er reine, alt er på stell og det er kort veg til arena, legg Kristen til.

Erlend og Kristen søv i kvart sitt papptelt og har positiv oppleving av denne måten å overnatte på, mellom anna blir det ikkje så varmt som i eit vanleg telt, men om det hadde kome styrtregn, så ville nok ikkje vere heilt tett.

‒ Det er nok godvêrstelt, påpeikar dei.

‒ Kva med musikken?

‒ The Hu var litt trekkplaster for meg, og Kaleo, og eg vart overraska overKa2, seier ein av dei.

Lokal ungdom leverte til tusen – sjå video

Topp stemning – sjå bildeglimt frå fredag

Festvalsjefen gler seg over at vêrgudane er i godlune

Godt fornøgd med første festivaldag

Trøkk då Kamelen entra Malakoffscena

‒ Du tøyer strikken og kjenner at du lever

Dødsing på Eid- sjå video