I Selje prestegard blir det i sommar pilegrimsmottak og kulturstove, med ope kvar dag.
To guidar blir på plass, og kvar fredag og laurdag blir det gratisbutikk med klede. Om søknad bruksendring går i orden blir det også servering og overnatting for pilegrimar.
Planen er også omvising i dei ulike husa i tunet, slik som eldhus, skulestove, borgstove og stabbur.
Det blir også stempeljakt for barn tilknytt pilegrimshistoria og klosteret.
Pilegrimar kan også nytte rutene frå Liset til Dragseidet, ut til Selje kloster og den gamle postvegen frå Rimstaddalen til Berstad.