Ekstremvêret Hans herjar vidare, og mange vegar er stengde. Å køyre vanlege ruter mellom Nordvestlandet og Austlandet er ikkje mogleg. Riksveg 15 og E6 i Gudbrandsdalen er stengt fleire stadar av flaum.
Til dømes er riksveg 15 mellom Otta-Bismo Skjåk i Innlandet stengt.
Du kjem deg over Strynefjellet, men så er det stopp i Skjåk om ein køyrer riksveg 15.
– Det er stengt i begge retningar grunna fleire jordskred og store vassmengder, opplyser Vegtrafikksentralen Øst.
Det nyttar heller ikkje å køyre verken over Hemsedalsfjellet eller Filefjell.
Ein 18 timar lang tur rundt heile Sørlandet er einaste alternativ, melder Sunnmørsposten, som har vore i kontakt med Vegtrafikksentralen Midt.
Problem for ekspressbussane
Ekspressbussene har også problem, og Vy Buss har innstilt alle bussrutene mellom Aust- og Vestlandet.