Åheim i Vanylven kommune har dei siste månadane fått mykje merksemd av vindkraftutbyggjarar som har peika ut områder dei meiner er eigna til utbygging.
– Møter med kommunane har allereie vore gjennomført litt i det skjulte. Grunneigarane på Åheim er i fleirtal for eit NEI mot vindkraft, og håper at kommunen vil lytte til dei, fortel Therese Drabløslid Aksnes.
Ho viser til at kommunestyret fatta 5. september i år eit einstemming vedtak som seier nei til vindkraft kommunen.
– Arbeidet vidare for Nei til vindkraft i Vanylven blir å vere vaktbikkje overfor politikarar slik at vedtaket står og blir etterfulgt, opplyser ho.
Spesiell markering
Markeringa i år blei litt spesiell for styret i Nei Til Vindkraft i Vanylven. Laurdag 16. september tapte leiaren i styret, Frode Høgset, kampen mot kreft.
Markeringa blei difor også ei minnemarkering med kona og borna hans, tilstade.
Dei 45 personane som møtte fram tente kvar sin fakkel frå bålpanna og saman gjekk dei med Frode Høgset si kone og dei to borna for å tenne bålet.
– Mange gode og varme ord blei sagt om Frode Høgset sin kamp for livet, men også hans store kamp I livet! Hans kamp for å bevare naturen og fjella! Viktigheita ved å overlate natur og fjell slik dei er i dag til komande generasjonar, slik at dei også kan få nyte og bruke den slik vår generasjon har hatt høve til, kommenterer Aksnes.