Dagen blei markert med gul bekledning, gul servering, aldersblanda solrebusløp, bursdagssong til rektor og eit soloppdrag til kvar klasse.
– Oppdraga blei sjølvsagt framført med resten av skulen som publikum. Elevane frå småskule- og mellomtrinn varta opp med flott kunst, nydelege dikt, funfacts og nye songtekstar, opplyser skulen på si Facebookside.
Frå åttande klasse fekk ein presentert smarte idear og kreasjonar til utnytting av solenergi, medan tiande klasse serverte ei super teaterframsyning av "Sola og nordavinden".
– Og sidan sola er såpass ustabil her på Stadt, så sørga like godt niande klasse for ei veruavhengig sol til toppen av klatretårnet. Berre sånn i tilfelle, fortel dei.