Opplagstala for 2. halvår 2022 vart offentleggjorde onsdag denne veka. Tala viser opplagsvekst for alle avisene i Nordfjord samanlikna med 2. halvår 2021. Firda Tidend hadde den største veksten med ein opplagsauke på 71 (2,43 %), men avisa er framleis den minste av avisene i Nordfjord. Fjordabladet hadde den nest største prosentvise veksten med 1,15 %, følgt av Fjordenes Tidende med 1,05 %. Fjordingen hadde ein opplagsvekst på 0,65 prosent.
Opplagsvekst dei siste 6 åra
– Med tala som vart presentert denne veka, kan vi registrere at Fjordabladet har hatt samanhengande opplagsvekst dei siste seks åra. Det kan berre bety at folk set pris på den jobben vi gjere og det produktet vi gjev ut. Vi er, og har alltid vore lim og lupe i lokalsamfunnet vårt, der Fjordabladet sine dyktige medarbeidarar dekkjer stort og smått både for avisa sine mange lesarar og gode annonsørar. Eg er også glad over å kunne registrere at alle fire mediehus i Nordfjord har auke i opplag. Det betyr at truverdige redaktørstyre media er viktigare enn nokon gong. Fjordabladet held også fram med den digitale utviklinga. Vi ser at fleire går over til å vere digital abonnentar. Det betyr ikkje at papiravisa er død. For Fjordabladet er papiravisa framleis viktig, seier Ingebjørg Nilsen Stokkenes, redaktør/dagleg leiar i Fjordabladet, i ein kommentar til opplagstala.