Katten Simba er oransje og kvit og held til i øvste del av Alleen på Nordfjordeid. Hilde Eidheim fortel at han gjekk ut som vanleg i 15-tida måndag ettermiddag, og sidan har ho ikkje sett han. No saknar både firbeinte og tobeinte i familien han.
Hilde fortel at Simba brukar som regel å halde seg i nærleiken i nabolaget, og dette er første gong han har vore vekke i fleire dagar. Dette er også den første gongen han har vore ute om natta.
Simba er åtte månadar gammal og er omtrent 50/50 kvit og oransje. Hilde fortel at han er heilt kvit på underkroppen, og oransje opp på. Simba har stor og «fluffy» hale.