Sommarshopping på laurdag starta med vind frå vest og tett mellom regndropane. Dermed vart det ikkje gågate og vanleg Sommarshopping. Men utover dagen vart det mindre regn, og ganske triveleg  i gata. Strikking stod i alle fall på timeplanen, og fleire hadde leita fram både garn og strikkepinnar. I Bankkjellaren gjekk både praten og pinnane i ein viss fart, der gjengen rundt Strikk og Drikk hadde samla seg. Lenger borte i gata var det også mange som fann vegen til både garnnøster, oppskrifter og ny kunnskap i butikken En rød tråd. Og i Pålnaustet var mange på jakt etter dei siste godbitane for sommaren.

I snart to år har ein gjeng strikkeglade samla seg annakvar søndag, for sosialt felleskap kring handarbeidet. På laurdag hadde dei flytta seg til Bankkjellaren.
Randi Merete Haugland har starta opp med produksjon av si eiga heimelaga såpe. På laurdag var ho på plass med såpene i Eidsgata.
Butikken Ein rød tråd inviterte til strikkedag, og mange fann vegen til oppskrifter og garnnøster i Eidsgata.
Eid miljø ved Ragni Mari Strand Rasmussen hadde utstilling i Bankkjellaren.
Berre Janne Hauge Osa frå Sandane våga seg ut med bagasjeromsloppis.
I Pålnaustet har gamle ting fått bein å gå på i sommar. Til høgre Jenny Sunde Johansen, eidar busett i Sortland som har teke sommarjobb i naustet.
Ny kunnskap innan strikking kunne ein få med seg under strikkelaurdagen i helga.