Både riksveg 7 over Hardangervidda, fylkesveg 50 Hol-Aurland, fylkesveg 51 Valdresflye, fylkesveg 53 Tyin-Årdal og riksveg 13 over Vikafjell er stengde på grunn av uvêr, melder Vegtrafikksentralen.
E16 over Filefjell og riksveg 52 Hemsedalsfjell er opne. På sistnemnde åtvarar Vegtrafikksentralen om svært glatt vegbane. Også E6 Dovrefjell er open.
På E134 Haukelifjell er det innført kolonnekøyring inntil ny vurdering skal gjerast fredag formiddag.
Vegtrafikksentralen melder også om at fleire ferjestrekningar på Vestlandet har innstilt avgangar på morgonkvisten på grunn av vêrforholda.
Det var natt til fredag sendt ut farevarsel for snø og kraftige vindkast på Vestlandet sør for Stad. Varsla gjaldt fram til fredag morgon.
(©NPK)