– Det er meldt om ein mann i 60-åra som har falle i ei stri elv, er pr no sakna, melder Vest politidistrikt rundt klokka 18.45 laurdag kveld. Dette skal ha skjedd ved Bødalen i Stryn kommune.
Redningsressursar er kalla ut og er på veg mot området.
Brannvesenet i Stryn opplyser til Fjordingen at hendinga skal ha skjedd i elva mellom Lovatnet og Loen.
Mannen er ein del av eit turfølgje. Turfølgjet deltek i leitinga, og meldte sjølv frå om at mannen falt i elva, melder NRK Vestland.