Politiet i Vest melder no om at frivillige mannskap har avbrote og søk er avslutta. Den sakna er funnen omkomen i nærleiken av Stryn sentrum.

17-åringen vart funnen omkomen i sjøen.

– Den sakna vart funnen av mannskap frå Stryn brannvesen, som søkte med båt. Funnet vart gjort omlag fem meter ut frå land, utanfor Truck Nor og moloen ut frå Stryn sentrum, opplyser politioverbetjent Vidar Stavik til avisa Fjordingen.

17-åringen vart meldt sakna etter at ingen hadde sett han sidan i 04–05-tida natt til søndag, og det vart sett i verk leiteaksjon.

Kriseteamet i Stryn kommune er kontakta og vil etablere seg etter kvart. Politiet melder om at pårørande er varsla.