Vegane som er stadfesta stengde, er mellom anna fylkesveg 51 over Valdresflye, fylkesveg 55 over Sognefjellet – og no også riksveg 7 over Hardangervidda, skriv Statens vegvesen.
Det er problem ved Halne fjellstove, der brøytebilane ikkje slepp forbi. To–tre lastebilar skal ha hamna i grøfta, skriv Bergens Tidende.
– Vinteren nærmar seg no. Skal ein køyre over fjellet, så må ein ha på vinterdekk. Samtidig lønner det seg å sjekke nettsidene til Statens vegvesen, seier trafikkoperatør Tilia Mathre ved Vegtrafikksentralen til NTB torsdag morgon.
Ho seier det ikkje er kjent kor lenge snøvêret vil vare.
(©NPK)