Enkelte sekkepostar som rassikring av riksveg, programområdemidlar, bysatsing utanom 50/50-ordninga  med meir er enno ikkje fordelt mellom fylka. Følgjande vegprosjekt ligg inne i Nasjonal transportplan 2018-2029:

E39 Myrmel-Lunde:

Strekninga er smal og har dårleg bereevne. Det er bustadbygg på strekninga, mange avkøyrsler og fartsgrense 60 km/t. På deler av strekninga er det planar om å legge vegen i tunnel. Kostnadsoverslaget for denne strekninga er på 500 millionar kroner, der 280 millionar ligg inne i første periode, 2018-23, medan 220 millionar ligg inne i siste del av NTP-perioden.

E39 Strekningsvise utbetringar Byrkjelo – Sandane:

E39 i Sogn og Fjordane, strekninga Byrkjelo – Sandane, omfattar utbedring av de verste flaskehalsene på dagens E39 i Gloppen kommune. Konseptet er imidlertid ikke avklart, kostnadsanslaget er derfor usikkert. Her ligg det inne ein milliard i andre periode. Sjå elles eiga sak for dette prosjektet.

Rv 5 Kjøsnesfjorden:

Vegen langs Kjøsnesfjorden er sterkt utsett for skred, og dermed stengingar på grunn av skred og skredfare. Prosjektet er på 6,5 km og skal gi nær 100 prosent skredsikker veg mellom Fjærlandstunnelen og Skei. Her ligg det inne 1,1 milliard kroner i NTP’en sin første periode.

E39 Våtedalen:

Prosjektet omfattar bygging av tunnel for å sikre fem skredpunkt i Jølster kommune. Alle punkta har høg skredfaktor. Her ligg det inne 1,3 milliardar kroner i siste periode, 2024-2029, av NTP.

E39 Bogstunnelen-Gaular grense:

Formålet med planarbeidet er å fastlegge framtidig vegløysning for E39 med tilknytingar. Vegbreidda på E39 varierer og tilfredsstiller ikkje gjeldande krav. Dette prosjektet ligg inne med 1,1 milliardar kroner i siste periode, 2024-2029, av NTP

E16 Nærøydalen:

Formålet med prosjektet er å sikre E16 i Nærøydalen mot skred og å erstatte eksisterande tunnelar i Stalheimskleivi, som ikkje tilfredsstiller krava i Tunnelsikkerhetsforskriften. Nærøydalen ligg inne med 1,7 milliardar kroner i siste periode av NTP’en.

E39 Skjersura:

Prosjektet omfattar bygging av tunnel for å skredsikre Skjersura i Jølster kommune. Prosjektet ligg inne med 700 millioonar kroner i siste periode, 2024-2019.

Vedlikehald og fornying

I grunnlagsdokumentet står følgjande om vedlikehald og fornying. «Regjeringen er i ferd med å snu trenden med et stadig aukande vedlikeholdsetterslep på riksvegnettet. 2015 var eit merkeår, då etterslepet blei redusert for første gong på fleire tiår. Vedlikehald og fornying er høgt prioritert i ny Nasjonal transportplan. Regjeringa legg opp til å bruke 14,5 milliardar kroner årleg på fornying, drift og vedlikehald m.m. av riksveg i 12-årsperioden. Dette vil komme Sogn og Fjordane til gode. Med dette løyvingsnivået vil rundt ein tredel av vedlikehaldsetterslepet fjernast.»