Drøymer om å kunne leve av å stå på scena

For to år sidan flytta Asbjørn Hagen til Göteborg for å studere musikal på ein av dei mest anerkjende musikalskulane i Norden.

Asbjørn Hagen er heime på ferie i sommar, men til hausten skal han tilbake for å gå tredje året på ein av dei mest anerkjende musikalskulane i Norden.   Foto: Olin Maria Yri

Nyhende

– Eg får alltid spørsmål om korleis det går i Stockholm. Men det er i Göteborg eg bur altså, smiler Asbjørn Hagen som i 2016 flytta til Göteborg som er den nest største byen i Sverige og på størrelse med Oslo. Men det var ikkje storleiken på byen som lokka han til Sverige. Det var nemleg utdanninga og skulen Balettakademien Göteborg som lokka. Balettakademien vart starta i Stockholm i 1957, og ti år etter vart den starta i Göteborg. I dag har Balettakademien utdanna mange nordiske og utanlandske artistar gjennom tidene, og er ein av dei største og mest anerkjende musikalskulane i Norden. For Asbjørn sin del, fekk han høyre om skulen av ei venninne då han gjekk på Romerike folkehøgskule og det var ikkje før etter at han søkte at han fekk vete at skulen er ein av dei mest anerkjende i Norden.