Regionalpolitisk avdeling har ansvaret for å følgje opp regjeringa sine mål for regional- og distriktspolitikken. Hamre tek til i stillinga i midten av november. I tida 13. august til 2. november skal Hamre ha studiepermisjon for å delta på sjefskurset ved Forsvarets høgskole, og vil difor ha sin siste arbeidsdag på fylkesmannskontoret 10. august. Ho vil delta på avslutningsmarkeringa for Sogn og Fjordane fylkesmannsembete, som finn stad i Balestrand 9. november. Hamre har vore fylkesmann i Sogn og Fjordane i sju år.
Kommunal- og moderniseringsdepartementet har bede assisterande fylkesmann Gunnar O. Hæreid fungere som fylkesmann i Sogn og Fjordane frå 13. august og fram til samanslåinga av fylkesmannsembeta i Sogn og Fjordane og Hordaland 1. januar 2019.