Prognose: Tysk økonomi vil truleg krympe 6,6 prosent

Ein nedgang på 6,6 i Tysklands økonomi i år er det mest sannsynlege scenarioet, ifølgje Ifo-instituttet. Deretter ventar dei ein vekst på 10,2 prosent neste år.
utenriks

– Dette er basert på undersøkinga vår blant bedrifter i mai. I gjennomsnitt trudde deltakarane at deira eiga verksemd ville vere tilbake til normalen om ni månader, seier prognosesjef Timo Wollmershäuser i Ifo.

Han trur derfor økonomien vil komme seg i midten av 2021 etter ein kraftig nedgang på 12,4 prosent i andre kvartal i år.

Instituttet har òg med to andre scenario: eitt med ein nedgang på 3,9 prosent følgd av 7,4 prosents vekst og eitt med 9,3 prosents nedgang og ein vekst på 9,5 prosent.

(©NPK)