Dette lesarinnlegget er skrive av Åge Starheim, pensjonist:
No er kommunen komen i ein situasjon med eit stort driftsunderskot, som vil medføre harde prioriteringar i åra framover. Når eg ser kva som skjer i andre kommunar, der pleie- og omsorgsektoren er så nedskoren p.g.a politiske prioriteringar at leiarane må gå rundt med stoppeklokke for å kontrollere at at det vert brukt minst mulig tid for kvar eldre, så er dette hjerteskjærande og uverdig.
Eg har ikkje grunnlag for å påstå at stoppeklokke vert brukt i stor monn i Stad kommune, men det eg registrerar er at det må vere ein krevande arbeidssituasjon for dei som arbeider i omsorgstenesta i kommunen.
Når ein kjem i situasjonar der pleietrengande ikkje får den pleie dei har krav på, er det lett å skulde på administrasjonane i kommunane. Eg vil ikkje frikjenne alle administrasjonar for å vere skuldfri når noko går gale, men i dei aller fleste tilfella er det manglande politiske prioriteringar som er årsaka.
Dersom politikarane i Stad kommune berre er opptekne av ein ting, og det er å ta opp lån for å innfri sine valløfter, utan å tenke over at det trengs penger til drift. Då går det heilt gale.
Med dei debattane eg har høyrt i det siste skuvar politikarane driftsutfordringane vekk. Fåresignala frå administrasjonen registrerar eg går inn det eine politiske øyre og ut det andre, utan at det fester seg i hjernebarken.
Eg kan love politikarane i Stad kommune å gjere alt eg kan for å engasjere dei eldre, gjennom pensjonistforeningane, til kanp for dei eldre.
Eg vonar at politikarane set seg ned å tenker nøye over kva kommunedirektør og økonomisjef i Stad kommune sa på sist kommunestyremøte, og set drift føre investeringar.
Når ein er i ein vanskeleg økonimosk situasjon så vil ein syte for mat på bordet istaden for å kjøpe ny bil. Det vonar eg at politikarane i Stad kommune tenker grundig igjennom før dei vedtek budsjett og økonomiplan for dei 4 neste åra.