Av Gloppen KrF ved leiar Arnfinn Brekke:
Årsmøtet i Gloppen KrF støttar søknaden som er sendt til samferdsledepartementet om få Nordfjordbrua Anda - Lote godkjent som pilotprosjekt for ferjeavløysingsmidlar på riksvegar.
I søknaden er det dokumentert at ei bru over Anda Lote både er teknisk og økonomisk ei god løysing.
Ved å bruke midlar som i dag er i sambandet – brukarbetaling og statlege tilskot , så kan ein finansiere ei bruløysing.
Regjeringa har signalisert at ein i åra som kjem må prioritere stramt i dei statlege budsjetta, og at ein i mellom anna på samferdsle må få meir veg ut av dei statlege kronene.
Då er det å bruke ferjeavløysingsmidlar til å bygge ferjefritt samband ei god løysing, meiner årsmøtet i Gloppen KrF. Partiet vil på det sterkaste oppfordre regjeringa, i samband med NTP, å gje nødvendig klarsignal til dette viktige prosjektet for vår region.