Komande søndag reiser Eid sitt G19-lag til Spania for å delta i ein junior-cup. Som ei oppkøyring til denne fotballturneringa møtte dei unge håpefulle «gamle stjerner» på Eid Stadion onsdag kveld. Kampen som gjekk over tre gonger 30 minutt, uvisst av kva grunn, var både innhaldsrik og til tider velspelt - frå begge lag.
Tok grep
Første mål vart sett inn av Tor-Erik Nygård, som har ei fortid både i Eid, Stryn og Førde og som no spelar for Gaular i 4. divisjon, sette inn det første målet i kampen for dei stjerne. Johan Skorge, ein av dei mest talentfulle spelarane vi har sett på mange år, var uheldig og hansa. Dommaren, Markus Nybø Bakke, meinte det var innafor 16. meteren og peikte resolutt på straffemerket. Tor-Erik Nygård sette ballen kontant i mål bak G19-laget sin gode keeper Sander Torheim Frislid.
Måltjuv
Det andre målet i kampen var det G19-laget sin måltjuv framfor nokon, Kristian Lefdal, som sette inn. Kristian fekk ein nydeleg stikkar frå Vebjørn Høynes, kom åleine med Tom-Øyvind Solheim og netta sikkert. Dette målet kom i den andre 30-minuttarsomgangen.
Avgjorde
I den siste omgangen, altså den tredje, avgjorde Johannes Myklebust kampen. Johannes som no har flytta heim til Eid, etter at han fekk jobb som prosjektingeniør på tavleavdelinga hos Eid Elektro, fekk ein høg ball frå Vebjørn Nord Haugland som han nikka over utstormande Sander Torheim Frislid.
− Eg kan ikkje hugse sist eg scora. Nei dette var veldig moro, sa Johannes til Fjordabladet etter å ha blitt match-vinnar.
Kjende fjes
På «stjernelaget» var det mange gode fotballspelar som kjem frå Eid, og som har spelt for Eid. Flesteparten av dei er framleis aktive. Som eit døme kan vi nemne at Marius Hagen, som ei drivkraft på midtbanen til stjernelaget, spelar på Hamkam. Elles spelar fleire av dei som var inn på stadiongraset på lag i Sogn og Fjordane i ulike divisjonar.
Kampfakta
Eid G19 - All-stars laget 1-2 (1-0)
Eid Stadion
Tilskodarar: Fleire enn det er på ein ordinær seriekamp
Dommar: Markus Nybø Bakke
Assistentdommarar: Adbi, Jostein Haugland og Steve Sib.
Mål:
0-1 Tor-Erik Nygård (str.)
1-1 Kristian Lefdal, assist Vebjørn Høynes
1-2 Johannes Myklebust, assist Vebjørn Nord Haugland
Eid G19: Sander Torheim Frislid 2. Sebastian Andersen Grøttå, Steffen Ekern Glosvik, Marius Henriksen, Daniel Haus, Kristian Lefdal, Simen Lefdal, Vebjørn Høynes, Stijn Van Oorschot, Johan Skorge, Joachim Joensen, Håvard Holmøyvik, Runar Naustdal, Joakim Frislid Vedvik, Daniel Myklebust, Kristian Årskog og Arthur Sundal.
Eid all-stars tema: Tom-Øyvind Solheim, Eivind Daniel Røed, Ole Andreas Aarvik, Anders Midthjell, Anders Kyrkjeide Karlsen, Johannes Myklebust, Vebjørn Nord Haugland, Marius Hagen, Hallgeir Sandal, Henning Haugen, Ove Andre Balsnes, Thor-Erik Nygaard, Arild Magnus Bjørhovde Rindal, Vegard Myklebust Øien, Andreas Bjørhovde Heggedal, Adrian Hagen Henden og Arnt-Ivar Naustdal.