Det er Oktoberfest i Stryn, og politiet i indre Nordfjord har hatt eit travelt døgn.
Dei melder om følgjande hendingar i går kveld og i natt:
Stryn kl. 19.04: Ein mann 20-åra vart anmeld for ulovleg senking og ulovlege dekk. Føraren vart meldt og førarkort beslaglagt.
Stryn kl. 21.00: Ein mann 20-åra vart slått ned av ein mann i 20-åra. Gjerningsmannen vart sett i drukkenskapsarresten.
Stryn kl. 01.32: Ein mann i 20-åra vart bortvist frå Stryn. Han vert anmeldt for å ikkje ha etterkome pålegg frå politiet, samt at han nekta å oppgi personalia.
Stryn kl. 02.29: Ein mann i 20-åra som var eit ordensproblem i sentrum, er bortvist frå Stryn sentrum.
Hornindal kl. 20.00. Fartskontroll. Bilføraren fekk forenkla førelegg for å ha køyrt i 104 km/t i 80-sona.
