Statens vegvesen gjennomførte i går ettermiddag og kveld kontroll på Folven i Stryn.
Vegvesenet melder at ein lastebilsjåfør vart anmeldt for å ikkje nytte fartsskrivarkort i fartsskrivaren under køyring.
På eit vogntog var stroppene for å sikre lasta lause, og sjåføren måtte sikre lasta si betre før vidare køyring.
Ein lastebileigar hadde ikkje kalibrert fartsskrivaren i bilen, og måtte på verkstad med denne for kalibrering før han kunne nytte bilen til vidare transport.
Tre lastebilar vart ståande på kontrollplassen, og fekk ikkje køyre vidare før gjenstandar i frontvindu var fjerna.