Nordfjord Havn IKS og Eid kommune har underteikna avtale om oppgjer i samband med at kommunen har meldt seg ut av det interkommunale hamneselskapet.
Det er semje om at Eid kommune får ei krone i utløysingssum.
Nordfjord Havn IKS beheld eigardel i Eid flytebrygge II.
Utmeldinga trer i kraft så snart nye vedtekter, medrekna ansvar for selskapets gjeld, er vedteke i dei andre eigarkommunane. Eid kommune er frå same tidspunkt friteken frå sitt gjeldsansvar i selskapet.
Partane er samde om at Eid kommune frå 1. juli 2017 kan drive eigen hamneverksemd.