Det seier Oddrun Erviksæter og Berner Midthjell som søndag jobba med å få festivaldeltakarane til å rydde opp etter seg etter tre dagar med fest på festivalcampen.
–Dei aller fleste tek imot søppelsekkane og ryddar opp etter seg. Når dei gjer det får dei også tilbake 150 kroner som dei har betalt i depositum. Dersom dei ikkje ryddar, får dei ikkje tilbake depositumet, seier Berner Midthjell.
Få unntak
–Men det finst unntak, seier Oddrunn Erviksæter og peikar på eit område der det flyt over av boss og andre etterlatenskapar. Eit lite telt og festivalstolar står att etter dei som har vore på denne delen av campen.
–Denne og eit par andre plassar er døme korleis vi ikkje vil at festivaldeltankarane skal etterlate plassen dei har vore på, seier Erviksæter som elles berre har godord å kome med til dei som har vore på festivalcampen.
