Nytt ungdomsråd med ny leiar og nestleiar

Eid ungdomsråd for skuleåret 2016/2017 har i dag hatt sitt første møte. Ny leiar er Ingvild Taklo Stautland og nestleiar er Alexander Baraki. Ti av dei totalt seksten medlemmane er nye.

Eid ungdomsråd for skuleåret 2016/2017, med faste medlemmer i dei to fremste rekkjene, og varamedlemmer i den bakerste rekkja. Framme frå venstre: Kristoffer Eikeset, EUS, Noah Aldema, EUS, Alexander Baraki, Eid vgs. og Steinar Hunvik, EUS. Andre rekkje frå venstre Ingrid Tykhelle Kayser, Eid vgs., Martha Pavelich, Eid vgs., Sara Sandvik Arnestad, Eid vgs. og Ingvild Taklo Stautland, Eid vgs. Bak frå venstre: Heidi Kristin Humlestøl, Eid vgs., Victoria Madeleine Hellebust, Eid vgs., Vegard Guddal, Eid vgs., Trym Dalset Lødøen, EUS, Marie Løviknes, EUS og Anna Teresa Villar Sundal, Eid vgs. Ikkje med på bildet dei to faste medlemmane: Ådne Reidar Nes Kleppe, Eid vgs. og Susanne Rønnekleiv, EUS. Foto: Inger Træen

Eid ungdomsråd skal for kvart skuleår velje ny leiar og nestleiar, medan medlemmane blir valt inn for to år.

I dag var første møtet i det nye rådet, der Ingvild Taklo Stautland (18) blei den nye leiaren og Alexander Baraki (16) blei nestleiar.

Ingvild går siste året på studiespesialiserande på Eid vidaregåande skule, og ho er frå Nordfjordeid. Alexander er oppvaksen i Oslo, har flytta med til Måløy, og har no starta på sitt første år på Eid vidaregåande skule, studiespesialiserande.

Ungdomsrådet har om lag seks møter i løpet av eit skuleår. Medlemmane blir valt som faste eller vara frå den skulen dei kjem ifrå, altså før første møtet om hausten.