I det som blir kalla ”Aksjon skulestart” har politiet hatt trafikkontrollar i Bremanger, Vågsøy og Stryn i dag.
Bremanger
I Bremanger vart 12 køyretøy kontrollerte i Davik. Her vart det delt ut eitt gebyr for manglande førarkort, og eitt gebyr for bruk av handhalden mobil. Det var også kontroll ved Hauge i Bremanger. Her vart 24 køyretøy kontrollerte. Det vart delt ut eitt gebyr for slite dekk, samt tre gebyr for manglande førarkort. Politiet gav også eitt førelegg for manglande sikring av barn i bil.
Stryn
I Vågsøy vart fem køyretøy kontrollert ved Raudeberg. Det gav ingen reaksjonar frå politiet. Ved Måløybrua vart 22 køyretøy kontrollert. Her vart det delt ut to førelegg for bruk av handhalden mobil, og eitt gebyr for manglande bruk av bilbelte.
Stryn
I Stryn vart 55 køyretøy kontrollert i Setrevegen. Det vart delt ut eitt gebyr for manglande bruk av bilbelte.
Ved Langesethøgda i Stryn hadde Utrykkingspolitiet også fartskontroll i dag. Her fekk åtte personar førelegg for å ha halde for høg fart. Høgste fart vart målt til 96 kilometer i timen i 80-sona. I den same kontrollen vart det gjeve eitt førelegg for bruk av handhalden mobil, og eitt gebyr for manglande bruk av bilbelte.