Dobbel pallplass til Eid under hestesko-NM i dag

Midtre Nordfjord hesteskoklubb fekk både sølv og bronse under NM X-kast hestesko på Eid i dag.

Tollef Årdal (i midten) gjekk til topps under hesteskokasting på Eid i dag. Medan Finn Stavenes frå arrangørklubben Mino fekk ein 2. plass, og leiar i klubben, Synnøve Fagerstrand fekk bronse. Foto: Privat foto.

Det var Finn Stavenes frå Mino som stakk av med sølvplassen, medan Synnøve Fagerstrand frå same klubben fekk bronse.

Midtre Nordfjord hesteskoklubb har i helga vore arrangør av NM hestesko på Nordfjordeid. Der det også var første runde i Norgescupen og NM i hesteskogolf.

Førsteplass under X-kast i dag gjekk til veteran og mangeårig Norges-meister Tollef Årdal frå Jølster.

I går var det Signar Fauske frå Førde hesteskoklubb som blei best i første runde Norgescupen, medan Henrik Stokkenes frå Eid og Mino kom på 2. plass. Beste kvinne i Norgescupen blei Synnøve Fagerstrand som ligg på 14. plass.