FBI bekreftar at dei etterforskar Trumps band til Russland

FBI-sjef James Comey bekreftar for første gong offentleg at Russlands påståtte forsøk på å påverke utfallet av presidentvalet i USA blir etterforska. 

Comey sa dette under ei høyring i etterretningskomiteen i Representanthuset i Kongressen måndag, og understreka at han var instruert av det amerikanske justisdepartementet til å legge korta på bordet.

Dei påståtte banda mellom personar i Trumps valkampstab og russiske tenestemenn er ein del av etterforskinga, opplyste Comey.

(©NPK)

Siste nyhende

Nytt jordskjelv ramma Iran

Eit jordskjelv med styrke 6,2 har ramma søraustlege delar av Iran, men ifølgje lokale medium er det førebels ikkje meldt om skadar.

Nye israelske bombeangrep mot Gazastripa

Israelske kampfly gjennomførte nye bombeangrep mot Gazastripa måndag kveld. Angrepa skal ha vore svar på rakettar skotne mot Israel.

Lauslaten fange i Egypt fortel at mange cellekameratar vart radikaliserte

Ein irsk-egyptar som nyleg vart lauslaten etter fire år i egyptisk fengsel, opplyser at mange blir radikalisert under dei svært brutale fengselsforholda.

Amnesty: EU bidrar til misbruk av migrantar i Libya

Europeiske styresmakter har utsett hundretusenvis av menneske for tortur og misbruk i Libya, vel vitande om sine handlingar, ifølgje Amnesty International.

Nye funn i søket etter sakna argentinsk ubåt

Den argentinske marinen har ved hjelp av sonar gjort to funn i søket etter den sakna ubåten. Det er uvisst om det er delar av ubåten som er funne.