Heilspansk meisterligasemifinale

Det blir intenst Madrid-derby mellom Real Madrid og Atlético Madrid i semifinalen i meisterligaen.

Dermed møtes dei to finalistane frå i fjor i nest siste hinder før finalen i Cardiff. Dei spanske hovudstadslaga har møtt kvarandre regelmessig i meisterligaen dei siste åra. Real Madrid har overtaket på naboane. Finalane i 2014 og 2016 enda med Real Madrid-triumf og Atlético-tårer. Real Madrid vann også då laga møttest i kvartfinalen i 2015.

Real Madrid kan bli første lag som forsvarar tittelen etter at serievinnarcupen vart lagt om til meisterligaformatet. Storklubben er mestvinnande lag med elleve titlar i den gjævaste europacupen. Atlético Madrid har aldri vunne innbyrdes møte i meisterligaen.

Juventus, som har tapt heile seks finalar i den gjævaste europacupen (to sigrar), møter Monaco i den andre semifinalen. Monaco har spelt finale berre éin gong, og det vart tap mot Porto i 2004.

To gonger har Juventus slått ut Monaco (1998 og 2015).

– Monaco er eit sterkt lag med mange talentfulle spelarar og har imponert denne sesongen. Vi må vere forsiktige, men målet er klart, skriv Juventus-spelaren Sami Khedira på Twitter.

For Juventus handlar alt om finale ti år etter at klubben reiste seg frå degraderinga til Serie B etter kampfiksing.

Kampane blir spelte 2./3. mai og 9./10. mai. Real Madrid og Monaco startar heime.

Finalen i Cardiff går 3. juni.

(©NPK)

Siste nyhende

Utfortreninga avlyst torsdag òg

Den planlagde gjennomkøyringa av utforløypa i Lake Louise torsdag måtte avlysast. Arrangøren vil spare på traseen til helga.

FIS lèt dei russiske langrennsløparane gå i Ruka

Dei seks russiske langrennsløparane som IOC har stengt ute på livstid, får gå verdscupopninga i Ruka i helga.

Skal undersøkje demens-fare hos fotballspelarar

Ein ny studie skal finne ut om det er ein samanheng mellom headingar og demens for tidlegare fotballspelarar, opplyser det engelske fotballforbundet.

Vipers trekte Issy Paris

Vipers Kristiansand møter Club Lada (Russland), Issy Paris (Frankrike) og København (Danmark) i gruppespelet i EHF-cupen.

Noreg slo Tyskland – klare for semifinale i curling-EM

Thomas Ulsruds lag slo Tyskland i curling-EM torsdag og vart med det klare for semifinale. Ulsrud sikra samtidig OL-billett for sitt lag.