Trass i at heimelaget dominerte størsteparten av kampen, vart det svært spennande på Eid stadion torsdag kveld.
I sluttminutta hadde Kaupanger eit par gedigne sjansar til å utlikne, men keeper Sander Frislid varta opp med matchvinnande redningar.
Det var bortelaget som mot spelets gang tok føringa rundt ti minutt før pause. To minutt før kvilen sette Kristian Lefdal inn 1-1.
I byrjinga av andre omgang gjekk Kaupanger nok ein gong i leiinga. Vebjørn Høynes sørga for 2-2 med ein knallhard markkrypar i hjørnet, etter flott forarbeid av Simen Lefdal.
Det var kaptein og superveteran Henning Haugen som heada inn vinnarmålet 3-2 etter eit hjørnespark drygt kvarteret før full tid.
Med sigeren står Eid no med 19 poeng, fire bak serieleiar Fjøra. Kaupanger og Årdal følgjer nærast, begge med 18 poeng.