Det var ikkje dei aller beste forhold, kraftig snøvêr, då sprinten gjekk av stabelen. Sigrid Flo Bødal, som går på NTG på Lillehammer vann med knappast mogeleg margin i klassen kvinner 18-19 år. I mål var ho eitt tidels sekund før Anne Bunemann De Besche, som går for idrettslaget Try. På tredjeplass kom Augusta Idland; Figgja IL. Sigrid hadde ein strafferunde, medan kvinna på andreplass hadde to bom på siste skyting.
I 19-årsklassen for menn vart det 4. plass på Johan-Olav Smørdal Botn, Stårheim IL. Også Johan-Olav går på skiskyttarlinja på NTG på Lillehammer. Vegard Skrede, Hardbagg IL/Stryn vgs, gjekk inn til 8. plass. Aksel Mathias Meland, Markane IL/Stryn vgs følgde på 9. plass.