Sender ut oransje varsel

Det er sendt ut oransje varsel for snøskred i Indre Fjordane laurdag. Det er faregrad 3, og betyr betydeleg snøskredfare, ifølgje varsom.no.

Kraftig vind og snø gir auka snøskredfare. Det er mykje snø tilgjengeleg fleire stadar og styrken på vinden vil avgjere kor omfattande problemet blir. I leheng som får stor pålagring kan skred losne naturleg. Det vil også vere svært lett å løyse ut skred i ferske fokksnøflak.

Ver obs på at det er noko usikkert korleis eit kantkornlag ved bakken reagerer på nysnøen som har lagt seg opp dei siste dagane. Dette er mest aktuelt høgt til fjells i indre deler av regionen.

Det skal vere størst fare frå laurdag ettermiddag.

Snøskredfarselet for Indre Fjordane søndag er enno ikkje vurdert.

Gult varsel

Fredag er det faregrad to og moderat snøskredfare i Indre Fjordane. Dette er gult varsel. Ein vert oppmoda om å vere varsam i terreng som har samla fokksnø. Det er lettast å løyse ut snøskred der fokksnølaget er tynt eller mjukt.