Det er ope for trafikk over Filefjell på E16 og på E6 over Dovrefjell, men elles er det ei rekkje stengde vegar – og fjellovergangar med kolonnekøyring. Ifølgje Vegtrafikksentralen var status ved 14.30-tida slik:
Rv52 Hemsedalsfjellet: Kolonne.
E134 Haukelifjell: Stengd.
Fv50 Hol–Aurland: Stengd, ny vurdering fredag klokka 10.
Rv7 Hardangervidda: Stengd, ny vurdering fredag klokka 10.
Rv13 Vikafjellet: Stengd, ny vurdering fredag klokka 10.
Rv15 Strynefjellet: Stengd, ny vurdering fredag klokka 11.
Fv53 Tyin–Årdal: Stengd, ny vurdering fredag klokka 15.
Meteorologane har sendt ut gult farevarsel om snøfokk i fjellet i Sør-Noreg frå 18-tida onsdag. Det betyr at det kan vere lokalt vanskelege køyreforhold på grunn av snø som pakkar seg i vegbanen.
– Kolonnekøyring kan bli innført og/eller vegar kan bli stengde på kort varsel, skriv Yr.
(©NPK)