Det var klokka seks søndag morgon at politiet fekk melding om ein båt drivande i Nordfjorden. Båten var ein Mørebas 21 fot.
Hovudredningssentralen (HRS) sende då ut mannskap.
– Politiet vart varsla av ein los på eit cruisesip som hadde observert båten. I tillegg fekk vi inn fleire meldingar frå land, opplyser operasjonsleiar Jørgen Ommedal ved Vest politidistrikt til Fjordenes Tidende.
Hovudredningssentralen vart dermed varsla, og det vart sendt ut ein båt med mannskap frå Røde Kors Hjelpekorps.
Ein har derimot ikkje funne noko som indikerer at nokon har falle over bord frå båten, og aksjonen er dermed avslutta.
No er båten slept inn til småbåthamna på i Haus i Stad.
– Personar som kjenner til båten kan kontakte politiet, oppfordrar Hovudredningssentralen.