Politiet oppmodar om å sjekke lys og bruke refleks

Vest politidistrikt minner alle om å sjekke at lysa fungerer som dei skal på sykkel og bil, og i tillegg bruke refleks.

Vest politidistrikt minner om lys og refleks i haustmørket.   Foto: Ingebjørg Nilsen Stokkenes

Nyhende

Det er midten av september, og det vert stadig mørkare om kvelden. Vest politidistrikt minner difor alle om å sjekke at lysa på sykkelen fungerer som dei skal, også lysa på bilen må vere på stell.

I tillegg minner Vest politidistrikt om at alle fotgjengarar brukar refleks når dei er ute i trafikken.

– Hugs å sette lysbrytar i rett posisjon, «auto» eller «på» er det rette no. Det smartaste ein fotgjengar kan gjere i trafikken er å bruke refleks; må vere synleg både i kvardag og til fest, oppmodar politiet på Twitter.