Kjem med bok om 22. juli 2011

Formidlar korleis det var å stå på sidelinja som mamma

Ti år etter at terroren ramma Norge og 77 menneske vart drepne, har Elin Hesjevik, mamma til Torbjørn Vereide, skrive boka De heldige. – Når nokon vert ramma av eit traume, anten det er det Torbjørn har opplevd eller ei ulukke, er det ingen sjølvfølgje at livet skal gå bra etterpå.

KJEM MED BOK: Elin Hesjevik, mamma til Torbjørn Vereide, har brukt dei fem siste åra på å skrive boka De heldige, som tar for seg terroren 22. juli 2011 og dei ti åra som har gått. I midten av juni kjem boka ut, men før den tid kjem ho til Nordfjordeid for å signere bøker, og snakke om 22. juli og boka på Eid vidaregåande skule.   Foto: Saba Hatzimarkos

Nyhende

I år er det ti år sidan terroren ramma Norge. Åtte menneske vart drepne etter at bilbomba gjekk av i regjeringskvartalet i Oslo. 69 menneske vart drepne på Utøya. Dei fleste av dei var ungdommar. Frå Sogn og Fjordane var fem ungdommar på Utøya 22. juli 2011. Fire overlevde. Torbjørn Vereide var ein av dei fire. Hanne Kristine Fridtun frå Stryn var ein av dei siste som vart skoten og drepen på Utøya.