Meldingar om slåstkampar og festbråk

Ifølgje Vest politidistrikt har det vore nesten 30 meldingar om festbråk og forstyrring av nattero i fylket natt til søndag.

Natt til søndag var det både festbråk og slåsskampar.   Foto: Anna Wuttudal

Nyhende

Ifølgje Vest politidistrikt har det vore totalt 27 meldingar når det gjeld forstyrring av nattero, høg musikk og feststøy mellom klokka 23 til klokka 06. Det skal ha vore flest meldingar i området rundt Bergen. Politiet skal ikkje ha hatt kapasitet til å respondere på alle.

Det har også vore nokre meldingar i områda Sogn og Fjordane og Nordfjord. Ifølgje politiet har det vore slåsting i Stryn natt til søndag, men ingen personar skal vere skadd. Ein person vart vist bort frå sentrum. I Førde vart ein person, som var rusa og kranglete, vist bort frå sentrum av politipatrulje. I Florø kom patruljen over to menn som slåst, og desse vart vist bort frå sentrum. Ingen av personane var skadd.