Politiet passar på

Politiet lovar at dei passar på når mange hytter og bygg står tomme og ubevakta, også i Harpefossen hyttefelt.

HARPEFOSSEN: Politiet på patrulje i Harpefossen Hyttefelt sist helg.   Foto: Politiet

Nyhende

Den siste tida har det vore mange oppslag om at dei fleste må halde seg heime og ein blir oppmoda om å ikkje dra på jobben, hytta eller nytte båten.

– Når mange blir forhindra i å sjå til verdiane sine gjennom forbod og retningslinjer, vil vi fortelje at politiet rundt i Vest Politidistrikt passar på, opplyser politiet.

Sist helg såg dei til fleire båthamner, hyttefelt, industriområde og har møtt nokre innbyggjarar når dei har patruljert rundt på ulike stadar.

– Til deg som er ute og luftar deg: Følg litt ekstra med på plassar der andre no er forhindra frå å sjekke, er den klare oppfordringa frå politiet.