Stal elektrisk utstyr frå byggjeplass

Natt til torsdag forsvann det koplingsskåp, kablar og elektriske leidningar frå ein byggjeplass i Eid sentrum.

– Når nokon tek seg inn på vår byggjeplass for eit slikt tjuveri, blir vi meir redde for nye hendingar, seier Jim Andre Balsnes. 

Nyhende

Det er Balsnes bygg som opplevde dette tjuveriet i førre veke. På deira byggjeplass i Bruhola i Eid sentrum.

–Det blei stole utstyr for rundt 5000 kroner. Ikkje dei store summane, men for oss tek det tid å få slikt nytt utstyr på plass. Det er trasig og irriterande at ting ikkje kan få vere i fred på ein inngjerda byggjeplass, seier Jim Andre Balsnes som står bak Balsnes bygg saman med faren Jon Balsnes. I tillegg har dei ein tilsett, samt ein lærling.

Tjuveriet er meld og politiet, som har vore på staden.