Seniorrådgjevar Kåre Træen

Mannen som likar dei verkeleg lange skiløypene

– I ungdomen gjekk eg mykje på ski. Lysløypa ved Ungdomshuset på Hjelle var flittig i bruk. Naturleg kanskje sidan eg er oppvaksen i «Moskva».

Marcialonga: Kåre Træen med målgang i Marcialonga. Foto: Privat  Foto: Privat

Nyhende

Det seier Kåre Træen, som er seniorrådgjevar ved fylkesmannen sitt kontor med kommunereform som eit spesielt arbeidsområde. I tillegg er Kåre, kanskje ukjent for mange, ein ihuga entusiast for dei lange renna på ski.

–Det stemmer. Som eg sa så har eg alltid likt å gå på ski. Ikkje berre i lysløypa ved ungdomshuset på Hjelle. Det blei også mange turar innover Fladalen opp gjennom barne- og ungdomsåra. Heile familien, spesielt far, var opptatt av skisport. Då eg vaks opp var det ikkje vanleg med preparerte løyper, oppkøyrde med scooter eller trakkemaskin. Vi måtte trakke løypene sjølve, seier Kåre som legg til at då borna hans vart vaksne så melde interessa for skisport seg på nytt. No var det ikkje korte turar i Fladalen, men lange løp i både inn og utland.