Dødsulukka i Kjølsdalen:

Politiet frigjev namn på dei omkomne

Etter at pårørande er varsla frigjer politiet, i samråd med familiane, namna på dei to kvinnene som omkom i ei tragisk ulukke i Kjølsdalen torsdag kveld.

  Foto: Inger Træen

Nyhende

Det var den 63 år gamle, Anne Elise Sæthre og den 57 år gamle Marit Johanne Røed Sundal som omkom i trafikkulykka på rv 15  i Kjølsdalen, torsdag  27. desember 2018. Begge var busette i Kjølsdalen.

Politiet opplyser i ein epost at dei framleis held på med taktisk og teknisk etterforsking i saka.

I følgje Norsk Telegrambyrå (NTB) er føraren av ulukkesbilen, ein mann i 50-åra, sikta for aktlaust bildrap etter ulukka.