Julestemning på LA-senteret

LA-senteret arrangerte julemarknad torsdag, med gløgg, peparkaker og sjølvproduserte varer.

Jul på LA-senteret: Det var fin julestemning under julemarknaden som vart arrangert torsdag på LA-senteret.   Foto: Olin Maria Yri

Nyhende

Torsdag ettermiddag ønskte LA-senteret små og store velkommen til julemarknad og miniloppemarknad i produksjonshallen på Langeland, Nordfjordeid. Det var duka for julestemning, kos og god stemninga gjennom ettermiddagen.

Eit bord med blant anna bollar, kaffi, gløgg og peparkake var laga til med lyslenke. Resten av rommet var fullt av sjølvproduserte varer som figurar i tre, posar, juletredekorasjonar og forkle. Alt sjølvsagt med julemotiv. Det var også laga til eit kreativt brukthjørne som hadde alt frå vesker til bøker.