Asbjørn Hagen med i musikal i 2019

Sin første profesjonell produksjon

I vår skal Asbjørn Hagen stå på scena i sin første profesjonelle musikalproduksjon. Kanskje kan det gje han ein kickstart inn i den nordiske musikalbransjen.

Stått på scena: Asbjørn Hagen går til vanleg på ein av dei mest anerkjende musikalskulane i Norden, og har stått mange gongar på scena. No håper han at Ghost kan vere med å kickstarte musikalkarrieren hans i Norden.  Foto: Olin Maria Yri

Nyhende

Asbjørn Hagen, frå Eid, flytta til Göteborg for to år sidan for å studere musikal på ein av dei mest anerkjende musikalskulane i Norden. I vår skal han vere med i sin første profesjonell produksjon.

– Det er veldig spennande samtidig som det er litt skummelt. Eg gler meg til å endeleg få stå på scena i ein heilprofesjonell produksjon med andre profesjonelle musikalartistar, seier Asbjørn som skal medverke i musikalen Ghost i Danmark. Filmen Ghost kom ut i 1990 og vart rekna som ein av dei største kjærleikshistoriene. Musikalen, som i dag går på scener over heile verda, byggjer på den ikoniske filmen med Demi Moore og Patrick Swayze i hovudrollene. Musikalen har premiere 14. mars 2019, då for første gong på ei dansk scene, og har sine siste førestillingar i København i april.