Ein hytteeigarane, som blir nabo til det nye hyttefeltet har sendt inn ein merknad til planane, der han viser til utsendt nabovarsel vedkomande etablering av nytt hyttefelt om rådet FB8.
Grense mot nytt felt
I merknaden viser hytteeigaren til at han har bygd hytte på ei av endetomtene i Kviehogvegen, og hans hyttetomt såleis vil grense mot det nye hyttefeltet. – Eg har ingen motførestillingar mot at det blir etablert eit nytt hyttefelt der ein vidarefører føresegnene for Naustdalsetra FB7, men det eg reagerer på er at det skal opnast opp for bygging av større vertikaldelte leilegheitsbygg i nedste vegen der eg har hytte, skriv hytteeigaren i sin merknad til planane og viser elles til arealplan for Harpefossen.
Avsett område
Hytteeigaren viser vidare til at det aktuelle området er teikna inn på kartet og tekstdelen der står det følgjande: Tomteområde for private fritidsbustadar/hytter i forlengelsen av eksisterande hyttefelt på Naustdalssetra (FB7) fram mot planlagd turløype Furuhogane. På det same kartet er det også avsett eit område (16) langs Furehogvegen til leilegheitsbygg med følgjande beskriving: Leilegheitsbygg opp til 3,5 et. med utleigeplikt/-rett.
– Eg er litt usikker på om dei leilegheitene som ein planlegg å sette opp i FB8 er meint for utleige eller for sal til privatpersonar? Eg er negativ til at det blir sett opp fleire utleigeeiningar inne i hyttefeltet når det er avsett areal til dette i andre stader arealplanen for Harpefossen. Vi hadde ikkje valt den tomta som vi har bygd på dersom vi hadde vist at det skulle byggjast store leilegheitsbygg for utleige vidare innover Kviehogvegen, skriv hytteeigaren i sine merknader.
Modererer uttalen
Fjordabladet har vore i kontakt med hytteeigaren, som ikkje ønskjer namnet sitt i avisa. I samtalen med avisa moderer han seg i høve den innsende merknaden, og seier at han ikkje har noko imot at det blir bygd leilegheitsbygg som ikkje er meint for utleige. Han har heller ikkje noko imot at hyttefeltet blir utvida.
Fylkesmannen
Fylkesmannen har også gitt uttale i saka. I uttalen heiter det; «Det går fram av oppstartvarslet at arealbruken skal vere i samsvar med arealdelen til kommuneplanen og følgjer opp føringane ei denne. Det er vurdert at planarbeidet ikkje utløyser krav om konsekvensutgreiing.»