Namn: Ragni Marie S. Rasmussen
Alder: 33 år
Bustad: Sørsida av Eid
Familie: Sambuar og born
Husdyr: Katt og sauar
Yrke: Butikkeigar
Kva planar har du i sommar?
– No er vel den snart ferdig. Men det har gått i butikken, Syden og Malakoff. Det er det eigentleg. Eg har fått gjort mykje.
Kva er ditt beste sommarminne?
– Eg trur kanskje det må vere sommarkurs med korpset.
Kva er di draumereise og kva tre personar ville du hatt med?
– Å reise tilbake til Kina. Kanskje ein reunion tur med Kina-linja på folkehøgskulen. Ingen nemnt, ingen gløymt.
Korleis ser ein perfekt sommarkveld ut?
– Det er strikketøy på verandaen, solnedgang og med noko godt i glaset.
Det blir ikkje sommar utan…
– Det første eg tenkte var Malakoff.
Favorittmat/drikke om sommaren?
– Skaldyr, salat og Prosecco.
Ditt beste tips til kva ein kan gjere på Eid i sommar?
– Det må nok vere å nyte Eidsgata.
Har du nokre hobbyar?
– Det blir jo strikking då.
Kva er du flink til, og kva er du dårleg til?
– Eg er god til å vere omgjengeleg. Eg kan bli meir strukturert og planlegge meir.
Beskriv deg sjølv med tre ord?
– Omgjengeleg, glad og litt distre.
Er det noko du engasjerer deg for?
– Eg engasjerer meg for å behalde Eidsgata og dei lokale butikkane.
Kven eller kva ville du tatt med deg til ei aude øy?
– Eg ville nok ha reist aleine med strikketøyet.
Kva ville du gjort om du vart lottomillionær?
– Det aller første eg ville gjort var å gjere ferdig oppussinga av huset. Og så ville eg nok ha teke med familien på ein lang ferie ein stad.
Kven vil du gje ein blome til?
– Det skulle no ha blitt blome til mamma og pappa.
Kva syntest du om at Eid og Selje skal bli Stad kommune?
– Det er heilt fint.
Kva er den beste sommarlåten 2018?
– Årets sommarlåt er Ignite. Den låten har eg høyrt ganske mykje på. Nesten så mykje at eg begynner å bli litt lei.
Draumeartist til Malakoff?
– Noko draumeartist har eg faktisk ikkje. Eg er glad i musikk, men eg er ikkje så oppteken av ting og tang.
Kva skal du lese i sommar/beste sommarbok?
– Det blir lite lesing, og mest strikking altså.
Kvar kunne du tenkt deg å bu?
– Eg har akkurat flytta heim, så eg er i grunn glad og nøgd der eg bur no.
Korleis ser framtida ut?
– Framtida den ser bra ut. Den ser god ut med tanke på masse kundar i butikken og at eg skal ha det godt med familien og vennar. Det er vel slik det eigentleg ser ut.