− Kvifor har du valt å flytte tilbake til Leikanger?
− Sakna bygda, og ville jobbe med noko anna. I Bergen var eg avdelingsleiar på Extra.
− Kva var mest avgjerande for flyttinga?
− Det var å prøve å finne ut kva eg skulle gjere vidare.
− Kva sakna du mest då du budde borte?
− Naturen, familien og roa ein finn her.
− Er det noko du brenn spesielt for på heimplassen?
− Synest det er kjekt å sjå vekst her på Stadlandet.
− Korleis er livet ditt om ti år?
− Eg veit ikkje eitt år fram i tid ein gong.
− Kva skulle du bli då du var 12/14?
− Det har alltid vore litt uvisst.
− Kva er det verste du veit?
− Det er edderkoppar og måsar.
− Kva er den største forskjellen på livet i Bergen og livet på Stadlandet?
− Her er det eit heilt anna miljø og ei anna ro. Folk er så hjelpsame og i møtekommande her på Stadt noko som gjev eit flott miljø.
− Kva har opptatt deg mest i det siste?
− No i sommarferien har eg vore på tre festivalar: Strandfestivalen, Stavernfestivalen og Malakoff.
− Kva synspunkt har du på den nye Stad kommune?
− Eg likar godt det nye namnet, men fryktar at det kan bli færre arbeidsplassar i kommunen.
− Kan du tenkje deg å engasjere deg i kommunepolitikken?
− Nei, eg har aldri sett meg inn i politikken.
− Kva synest du om jobbtilbodet her i distriktet?
− Tilbodet er greitt, og blir stadig betre.
− Er det noko du saknar i Nordfjord?
− Bensinstasjon i heimbygda.
− Kva hobbyar/fritidsinteresser har du?
− Likar å gå i fjellet og spele fotball. Prøvde nettopp skyting og, så eg blir nok å fortsetje med det.
− Kva råd har du til andre utflytta nordfjordingar?
− Er de lei av bymas, så veit de kvar de skal flytte. Føler at fleire og fleire vender heim.
− Kva synest du om nye Nordfjordeid?
− Nordfjordeid har utvikla seg bra, og er ein plass med mange tilbod no. At det blir fleire turistar er bra for handelen, men ikkje fullt like bra for miljøet.
− Kva er favorittseriane dine?
− Prison Break og Suits.
− Kva nyhendemedium brukar du?
− vg.no og følgjer fleire aviser på Instagram.
− Har du eit råd til kommunepolitikarane?
− Ha fokus på betre veg i Årsheimstranda og i utkantbygdene, slik at det blir tryggare å ferdast både for oss og turistane.
− Kvar gjekk årets ferieturar?
− Først til Gran Canaria i mars og så til Kreta i juni.
− Kva har du på nattbordet?
− Lampe og ei vekkarklokke.