Namn: Maria Vangberg
Alder: 17 år
Bustad: Nordfjordeid
Skule: Eid Vidaregåande skule
Kva planar har du i sommar?
– Eg har vore i Spania og så skal eg jobbe. Eg var også på Malakoff og i slutten av sommarferien skal eg på Jugend.
Kva er ditt beste sommarminne?
– Det trur eg må vere turen til USA for tre år sidan saman med familien. Vi var først i New York i nokre dagar før vi reiste til LA og køyrde oppover på kysten.
Kva er di draumereise og kva tre personar ville du tatt med?
– Jorda rundt-reise med gode vennar.
Korleis ser ein perfekt sommarkveld ut?
–Ein kveld med musikk, gode venar, mat og god drikke.
Det blir ikkje sommar utan...
– Malakoff, men også festival sånn generelt.
Ditt beste tips til kva ein kan gjere på Eid i sommar?
– Ein tur ned i Sagaparken og så besøke Malakoff om ein er her den helga. Vi har også veldig fine fjell som ein kan gå i.
Har du nokre hobbyar?
– Eg spelte handball før, men no gjer eg ikkje det lenger. Eg likar godt å trene på fritida.
Kva er du flink til og kva er du dårleg til?
– Eg er flink til å passe på dei rundt meg, og så kan eg ha dårleg tolmod.
Beskriv deg sjølv med tre ord?
– Glad, snill og omtenksam.
Er det noko du engasjerer deg for?
– Kanskje at alle rundt meg skal ha det bra.
Kven eller kva ville du tatt med deg til ei aude øy?
– Det ville nok vore god mat, gode vennar og god stemning.
Kva ville du gjort om du vart lottomillionær?
– Då ville eg spart ein del til eg vart eldre, gjeve noko til organisasjonar og så ville eg nok ha reist.
Kven vil du gje ein blome til?
– Det må bli mamma fordi ho er alltid der for meg og dei rundt henne.
Kva syntest du om at Eid og Selje skal bli Stad kommune?
– Det har eg faktisk trua på, og trur det blir veldig bra.
Kva meiner du om Eid som cruisedestinasjon?
– Det er både positivt og negativt. Det er dårleg for miljøet med tanke på alle gassutsleppa, men det er bra med folk i gata.
Kva er den beste sommarlåten 2018?
– Eg har inga spesiell sommarlåt, men eg har ei sommarlista på Spotify som eg høyrer på.
Draumeartist til Malakoff?
– Dersom Biffy Clyro hadde kome tilbake igjen så trur eg det hadde blitt veldig bra.
Kva skal du lese i sommar/beste sommarbok?
– Eg les ikkje så mange bøker, så da må det bli artiklar på nett.
Kvar kunne du tenkt deg å bu?
– Eg kunne tenke meg å flytte tilbake til Eid ein gong i framtida etter at eg har studert og teke utdanning.
Korleis ser framtida ut?
– Etter vidaregåande tenkje eg å ta eit friår, og så skal eg nok studere noko. Eg veit berre ikkje heilt kva eg skal studere enno.