− Kvifor har du valt å flytte tilbake til Hennebygda?
− Det var her eg vaks opp og det er her eg føler meg heime. Eg har familie og vener i nærleiken og det er her eg trivst best.
− Kva var mest avgjerande for flyttinga?
− At eg fekk med meg Karoline til å bu litt utanfor sentrum?
− Kva sakna du mest då du budde borte?
− Naturen inne i fjorden.
− Er det noko du spesielt brenn for på heimplassen?
− Eg er ivrig etter å utnytte jaktmoglegheitene som finst.
− Korleis er livet ditt om ti år?
− Ferdig med hus og hage, og kanskje vi har gifta oss innan den tid.
− Kva skulle du bli då du var 12/14 år gamal?
− Skulle bli tømrar. Har alltid vore glad i praktisk arbeid.
− Kva er du mest fornøgd med i livet ditt no?
− At eg har fått meg ein fin familie, og at vi har bygd hus på heimplassen min.
− Kva er det verste du veit?
− Dei bilistane som ligg 10 kilometer under fartsgrensa og ikkje slepp andre forbi.
− Kva er den store forskjellen på livet i Hennebygda og livet i Deknepollen?
− Avstanden til sentrum. Det blir ein del meir køyring med å bu i Hennebygda, men her er lite trafikk og ganske stilt og fredeleg.
− Kva har opptatt deg mest i det siste?
− VM i fotball på TV, arbeid rundt huset og planlegging av marknaden i samfunnshuset.
− Kva er meininga di om Stad kommune?
− I utgangspunktet burde heile Nordfjord blitt slått i hop til ein stor kommune.
− Kan du tenkje deg å engasjere deg i kommunepolitikken?
− Nei, eg har meir enn nok å gjere.
− Kva synest du om jobbtilbodet i distriktet?
− Her er ikkje jobbar nok til alle med mastergrad. Så sats på fagbrev!
− Er det noko du saknar i Nordfjord?
− Nei, her finst etter kvart noko for ein kvar smak.
− Føler du at du har fått realisert deg sjølv?
− Ja, eg er fornøgd med det eg har gjort og opplevd så langt i livet.
− Kva råd har du til utflytta nordfjordingar?
− Flytt heim om mogligheita er der. Vi treng fleire folk i distrikta.
− Kva synest du om «nye» Nordfjordeid?
− Positivt det som skjer på handelsfronten. Det er med på å skape arbeidsplassar.
− Kva er favorittserien/underhaldning?
− Glad i det meste som har med sport å gjere.
− Kva medium brukar du for å oppdatere deg på nyhende?
− VG, lokalaviser og NRK Sogn og Fjordane.
− Har du eit råd til kommunepolitikarane?
− Ikkje gløym utkantane i kommunen.
− Skal du på opera Nordfjord til hausten?
− Nei.
− Kvar går årets ferietur?
− Det er noko uvisst ennå.
− Kva har du på nattbordet?
− Nattlampe og mobil.