Stort motorsykkeltreff:

Feira 40 år med

Eid MC-klubb blei starta 12. januar 1978. I helga feira klubben 40 år, med 150 motorsykkelfrelste i Malakoff.

Eid MC kunne feire 40 år i helga, med treff på Plassen i Eid. Medlemmer av klubben frå venstre: Matias Zehentbauer, Jonny Yri, Rune Gylterud, Stig Øvretveit (framme), Bjørn Hjelle, Hanne Heggen, Odd Inge Monsson, Ronny Strand, Yngve Myklebust og Jonny Navelsaker (framme).   Foto: Inger Træen

Nyhende

Eid motorsykkelklubb er i dag ein aktiv klubb med 28 medlemmer. Dei har ofte møter og treff, og reiser på turar saman. I helga feira dei at klubben er blitt 40 år, med å invitere sykkelvenner frå heile landet. Dei kom frå ulike klubbar i Sør-Norge og Trøndelag, for å slå leir i Malakoff. Allereie fredag kveld var det mange telt på Plassen, der det var levande musikk, grilling og god stemning. Laurdag held feiringa fram med mellom anna motorsykkelparade gjennom sentrum og bryllaup.

Eit bra tiltak

Då Eid motorsykkelklubb starta opp i 1978, stod det ein artikkel i Fjordabladet i april same året. Her kan ein lese at både ordførar og lensmannskontoret i Eid såg positivt på oppstarten. Det blei argumentert med at dette var ein viktig møteplass for unge med interesse for å køyre motorsykkel, samt å drive med mekking. Eit argument var også at ein slik kunne få bukt med grisekøyring i sentrum, ved at klubben kunne ta tak i trafikkopplæring.