Under tingsetet i Førde 13. juni vedtok fylkestinget eit justert budsjett for 2018 etter første tertialrapport. Politikarane vedtok å løyve til saman 16 millionar kroner i investeringsstøtte til følgjande idrettsanlegg, i tråd med søknader til fylkeskommunen:

• Flora kommune – Storhall Vest i Flora: 10 millionar kroner

• Fjaler kommune – skytebane i Fjalerhallen: 1,5 millionar kroner

• Stryn Turn og Idrettslag – ulike hallanlegg i Arena Stryn: 4 millionar kroner

• Sogndal Fotball – tre klatreanlegg i Sognehallen: 0,5 millionar kroner

Politikarane vedtok også å løyve 1,2 millionar kroner til oppstart av nasjonalt klimatilpassingssenter knytt til Vestlandsforsking, og inntil 5 millionar kroner til Senter for innovasjon, teknologi og prosess (Sitep) i Årdal.