Har drive ungdomsklubb på Stadlandet i 15 år

Margit (65) tenkjer på dei unge

I 15 år har Margit Fløde drive ungdomsklubb på Stadlandet. No søkjer ho Selje kommune om pengar for oppgradering av ungdomsklubben Blikken.

Blikken ungdomsklubb har vore ein sentral møteplass for ungdom på Stadlandet gjennom 15 år. No søkjer primus motor Margit Fløde Selje kommune om pengar for å oppgradere huset som snart er 50 år gammalt. Utan naudsynt vedlikehald er det eit spørsmål om tid før huset ikkje kan brukast meir, seier leiaren for ungdomsklubben.  Foto: Privat

Nyhende
  • Skrive av  Inger Træen inger@fjordabladet.no

Margit Fløde på Stadlandet gjer ein dugnadsinnsats utanom det vanlege. I tretti år har ho vore leiar i Stadlandet ungdomslag, og i 15 år har ho drive ungdomsklubben Blikken No søkjer ho Selje kommune om pengar til oppgradering av den private ungdomsklubben.

– Blikken er eit vanleg bustadhus som blei frakta hit frå Mongstad i 2005. Sjølve huset er nærare 50 år gammalt, og treng sårt til oppgradering, seier Fløde som har eit budsjett på 135.000 kroner for å få huset i brukande stand.